ტომის რედაქტორი - თემო ჯოჯუა წელი - 2024 აღწერა - `ქართული ისტორიული საბუთების კორპუსის~ V ტომში შესული ისტორიული დოკუმენტები შეეხება XV-XVI საუკუნეების კახეთის სამეფოს ისტორიულ ცხოვრებას. მათი რაოდენობა შედარებით მცირეა ამავე საუკუნის ქართლის საბუთებთან შედარებით, მაგრამ ეს ვითარება მით უფრო ზრდის მათ წყაროთმცოდნეობით ღირებულებას. `კორპუსში~ თავმოყრილია ამ პერიოდიდან ჩვენს დრომდე შემორჩენილი კახეთის მეფეთა, მღვდელმთავართა, ადგილობრივი არისტოკრატიის წარმომადგენელთა სახელით გაცემული იურიდიული საბუთები, რომლებშიც არეკლილია კახეთის სამეფოს საგარეო და საშინაო პოლიტიკური ცხოვრება, სოციალური ყოფა, კახეთის მღვდელმთავართა მცხეთისაგან ჩამოშორების ტენდენციები და ამ მოვლენის საპირისპირო ღონისძიებები საერო ხელისუფლების მიერ. საბუთებში დოკუმენტური სიზუსტითაა ასახული კახეთის ბაგრატიონთა ქორწინებითი კავშირები, ბრძოლა ტახტისათვის და შიდადინასტიური წინააღმდეგობები.
ISBN
978-9941-9917-7-6
.png)
